Besucherzähler seit 30. Juli 2002
Impressum:
Chabis Schtoorzä Bäfzger Belp
Mini-Bäfzger Belp
3123 Belp
Web: www.guggebelp.ch
Mail: info@guggebelp.ch
01/22/12
Belper Fasnacht, 21.1.2012
Mit acht Uftritte hei mer äuä eini vo de meischt gschpielte Fasnachte erläbt! 6 offizielli ufem Feschtgländ und 2 inoffizielli i üsem Stammlokal.
Das het scho grad ä chli ds "biiesse" gä... :-))
Aber äs het gfägt und mir hei ganz gueti Uftritte häregleit. Vor auem üse lescht Uftritt am haubi 12 isch eifach geniau gsi. D'Zueschour heis üs dankt...! Hammer gsi!! Mir hei üs gloubs nid müesse verstecke hinter de "grosse" Guggene wo vor und nach üs Uftritt hei gha!
Danke dr Organisation vor Bäuper Fasnacht! Dr Alass isch super organisiert gsi und d'Spielzyte hei dr ganz Tag super klappet... Äbeso hets am Namittag keni "tote" Zyte gä und äs isch immer öppis los gsi...
01/15/12
Fasnacht Münsingen, 14.1.2012
Bi mega schönem Wätter und iis-chaute Temparature si mir am Namittag am Umzug gloffe und hei ufem Feschtplatz no chönne ä Einzuuftritte härelege.
Mir si aber froh gsi, dass mir nächhär am Abe hei ine chönne und zwöi Uftritte im Saal und eine im Rest. Trube hei dörfe zum Beschtä gäh...
D'Fasnachtsbsuecher vor Ort hätte ruhig ä chli meh Stimmig dörfe mache, aber was söu's; mir Bäfzger hei "intern" ;-) uf auii Fäu fun gha und ganz gueti Uftritte häregleit...
11/12/11
11.11.11, 11.11 Uhr
Zu üsem Jubiläumsjahr derzue hei mir ä mega cooli und fägigi Fasnachtseröffnig chönne dürefüere. Punkt 11.11 Uhr hei mir d'Fasnacht ufem Chrüzplatz ikesslet. Wieter hei mir dr Coop-Platz musikalisch "beläbt" und si aschliessend vor üses Stammlokal ds Kiora ga usklinge. Ds Wätter het gschtumme, dr Sound het gschtumme, d'Lüt hei gschtumme... eifach genial gsi...
Am Abe isches de no einisch so richtig abgange. Vier geili Uftritte, super Stimmig, super Lüt, und feins ässe! Was wei mir meh :-))
Mir danke aune, wo üs derbi unterstützt hei und dr Wäg zu üs "gfunde" hei ;-) Äs grosses Merci geit natürlich a ds Kiora-Team für d'Gastfründschaft, die feini Verpflegig und Super-Service!! Äs het mega Spass gmacht mit euch aune.
>> zu de Biudli vom Eufte Eufte
09/04/11
Jubifest 11 Jahre CSB...
So... Üses Jubi-Fescht isch leider scho wieder Gschicht...
Was wei mer säge: Ir Prärie-Bar hei mir eifach äs unvergässlechs Jubi-Fescht dörfe fiire. Äs het mega gfägt... Bi heisse Temparature und äre willkommene nasse Abchüelig am Abe isch d'Stimmig immer super gsi und d'Prärie het "wortwörtlich" koched :-)
Mir danke aune Häufer, Guggemusige Pulswärmer, Notefrässer und Guggemotzer, am DJ Chnube sowie ar Prärie-Bar (Jogi und Rita), Sanitäter Didi, de Sponsore und de Bronco's-Security ganz härzlech für d'Ungerstützig, für ä cool Guggesound, d'Unterhautig, d'Sicherheit und "eifach" für dä fägig Tag!
Witer danke mir üsem Speaker Dänu Nydegger, wo dr Spielplan und d'Zyte im Griff het gha und churzfrischtig no äs Monschter-Konzärt zum Abschluss het organisiert!!
uf die nächschte 11 Jahr CSB!
08/22/11
Probeweekend Zweisimmen 2011
'Schwitz, Ächz, Stöhn'...
Das isch ja mau äs heisses Weekend in Zwöisimme gsi. Da het aues lüfte vom Probelokal nümme gnützt. Aber mir hei gliich aues gäh. So hei mir wieder cooli nöii Stück dörfe istudiere bestehendi Stück wieder chönne uffrüsche.
Näbem Musik mache hets zur Abwächslig o wieder ä Trotti-Abfahrt vom Rinderbärg gä und die wo ä Abchüelig gsuecht hei, hets zum Glück näbem Musikhuss no grad ä erfrüschende chüele Bach gäh!
08/01/11
Nationalfeier Belp 2011
Trittst im Abendrot daher... oder so :-)
Am 31.7. hei mir d'Nationalfiir in Bäup dörfe unterstütze. Am Nüni am Abe isch es de losgange mit em Umzug. Dr krönent Abschluss isch natürlich d'Nationalhymne gsii, wo mir hei dörfe zum Beschtä gäh... Danke am OK für d'Iladig und d'Verpflegig :-))
Biudli vor Nationalfiir Bäup 2011
... und hie no ds Video derzue
06/05/11
Belpfest 2011
Ausser Spesen nichts gewesen...
...Äs "verschteckts" Bierzäut am ne Dorffescht ds'betriebe isch o nid grad das wo mir üs vorgschteut hei. Zum Glück si mir äs guets Team und hei für üs ä "Egoparty" dürezoge...
Danke aune Guggefans wo üs bi üsne Uftritte tatchräftig ungerschtützt hei! Äs het gfägt für euch dörfe ds'spiele!
03/18/11
Titelgschicht...
Mir heis zwar (no) nid uf d'Titelsiete vom "Rolling Stone"-Magazin gschafft :-)
Aber immerhin: uf em Titelblatt vor Vereinszytschrift "Der Belper" ir März-Usgabe!
09/09/10
Unser Gugge-PIN...
Die «zytlose» Chabis Schtoorzä Bäfzger-Pins chöi mir zum Priis von Fr. 5.— abiete. Choufe chöit dr die bi aune kommende Aläss vo de CSB.
Mit emene Chouf ünterstützet dir üse Verein und dermit ou ä Teil vom kulturelle Läbe in Belp. D'Azahl isch jedoch beschränkt.
Mir danke scho jetzt für öiies Engagement.
Unsere nächste Aktivität:
Optimiert für folgende Browser:
